د افغانستان د اطلاعاتو او فرهنګ وزارت وايي، هیڅوک د دې حق نه لري چې د یوې راډیو خپرونې بندې کړي.
د اطلاعاتو او فرهنګ وزارت سلاکار جلال نوراني نن وروسته له هغې دا خبرې له ازادي راډیو سره وکړې، چې په زابل کې د یوې سیمه ییز راډیو مسوول د خپلې راډیو د نشراتو له بندیدو خبر ورکړ.
د قلات غږ راډیو مسوول تیمور شهزاد له ازادۍ راډیو سره په خبرو کې وویل، چې د سیمه ییزو چارواکو په ضد د خلکو د لاریون د رپوټونو له خپرولو وروسته یې راډیو بنده شوې ده.

خو د زابل ولایت چارواکو رد کړې، چې ګنې دغه سیمه یېزه راډیو د د دوی په امر تړل شوې ده.