دخپریدو نیټه :جمعه ۲۵ حوت ۱۳۹۱ ساعت ۱۲:۰۷
د مطلب کود : 60667
د کابل - جلال اباد لویه لار د غره د راښویېدلی له امله تړل شوې ده
د کابل - جلال اباد لویه لاره د غره د ښوېیدو له امله د ټرافیکو پر مخ تړل شوې ده.
د لغمان د والي ویاند سرحدي ځواک ازادۍ راډيو ته ویلي؛ تیره شپه لس بجې د لغمان ولایت په اړونده سیمه کې د درونټې د تونل څخه د کابل په لوري په دوه سوه مترۍ کې د غره د را پرېوتو له امله د کابل-جلال اباد لویه لاره به بشپړه توګه د ټرافیکو پر مخ تړل شوې.
نوموړی وايي، یوازې وړې موټرې کولی شي، چې د قرغیو ولسوالۍ له بای پاس سرک څخه په ګټې اخیستنې چې درونټه او سرخکان سره نښلوي تګ راتګ وکړي.
د سرحدي ځواک په خبره، اوسمهال په سیمه کې د لغمان د فواید عامې امریت، د ننګرهار د فواید ریاست او د ۲۰۱ سیلاب قول اردو د څلورم حمایوي کنډک منسوبین په کار بوخت دي تر څو لاره د ټرافیکو پر مخ خلاصه کړي؛ خو د را پرېوتي غره د حجم زیاتوالی، د لویو تیګو شتون او کافي وسایلو نشتوالی هغه څه دي چې؛ د کار د چټکتیا مخه یې نیولې.
د لغمان ولایتي چارواکي وايي هڅه کوي، چې تر ماښامه پورې لاره د ټرافیکو پر مخ پرانیزي.
سرچينه : د صدای افغان خبری آژانس(آوا)
https://avapress.com/vdccmeqe.2bqxe8j5a2.html
تبصره پوسټ کړئ
ستاسو نوم
ستاسو دبرېښنا ليک پته