د افغانستان د کورنیوچارو وزارت وايي چې نړیوالې ټولنې د دوی له لس کلنې ستراتیژۍ څخه ملاتړ اعلان کړی دی.
د کورنیوچارو وزارت ویاند صدیق صدیقي آزادۍ راډيو ته وویل چې په نوې ستراتیژۍ کې د ملي پولیسو د پیاوړي کولو او مسلکي کېدو او د دې وزارت د سیستمونو د ښېګڼې لپاره ټولې اړتیاوې په پام کې نیول شوې دي.

ښاغلي صدیقي په وینا د کورنیوچارو د وزارت لس کلنه ستراتیژي تېره ورځ د کورنیوچارو د وزیر له خوا د افغانستان له ملي پولیسو سره د څه باندې دېرشو هېوادونو او ګڼو مرستندویو ټولنو استازو ته په کابل کې وړاندې شو.