د ملي دفاع وزارت په پکتیکا کې د ملي اردو په عملیاتو کې د وسلو او جنګي مهماتو د یوې ډیپو له کشف څخه خبر ورکوي.
په پکتیکا کې د ملي اردو د ۲۰۳ تندرقول اردو یوه قومندان بریدجنرال زمري ازادي راډيو ته دغه پوځي عملیات تایید کړل خو ویې نه ویل چې څومره مهمات نیول شوي دي.
ښاغلي زمري وویل، چې په برمل، ګیان او زېړوک ولسوالیو کې له څو ورځو راهیسې عمیات پیل شوي چې هدف یې له یادو سیمو څخه د وسله والو مخالفینو ویستل دي.

وسلوالو مخالفینو تر اوسه په دې اړه څه نه دي ويلي.