نن سهار شاخواه ۶:۰۰ بجې یوعراده ټویټا ډوله موټر د فراه ولایت د خاک سفید ولسوالې د غورچې په سیمه کې د طالبانو له لوري په سړک کې پر اېښودل شوي ماین وربرابر شو. چې په ترڅ کې یی څلور تنه سپرلۍ شهیدان او ۵ تنه نور ټپیان شول .
دافغانستان د اسلامی جمهوریت د کورنیو چارو وزارت د طالب ترهګرو دغه غیر انساني او غیر اسلامي کړنې چې په پرله پسې ډول په لویو لارو او د خلکو د تګ راتګ په سیمو ماینونه ځاې پر ځاې کوي، په کلکه توګه غندي او څرګندوي چې د افغانستان د سولې او ثبات دښمنان به د خپلو دا ډول ناروا کړنو په ترسره کولو سره د افغانستان د خلکو له کرکې او د لوی خدای (ج) له عذابه پرته بل څه ترلاسه نه کړي.
د کورنیو چارو وزارت دیادې پیښې د شهیدانو کورنیو ته د خپلې ژورې خواخوږۍ او ډاډ ګیرنې مراتب وړاندې کوي او ټپیانو ته د لوی خدای (ج) له درباره د سملاسي روغتیا هیله کوي.