دخپریدو نیټه :يکشنبه ۵ جوزا ۱۳۹۲ ساعت ۱۱:۳۱
د مطلب کود : 66362
د جوزجان ولایت په مرکز کې یوه پېغله نجلۍ وژل شوې ده
جوزجان ولایت د مرکز شبرغان د خاتون قلعه په سیمه کې د ښوونځي د اووم ټولګي یوه زده کونکې ووژل شوه.
له سیمې د ازادي راډیو خبریال وايي چې؛ دا نجلۍ حبیبه نومېده او داسې ګڼل کیږي چې؛ خپل نامزد (کوژدن) یې د نا څرګندو دلایلو له مخې وژلې ده.
د شبرغان سیمه ییزو امنیتي چارواکو دا خبر تایید کړی او وايي، چې پيښه وړمه شپه شوې ده.
د ښار د امنیه قوماندانۍ د عملیاتو امر سمونوال عبدالمنان رووفي ازادي راډیو ته وویل چې؛ مشکو قاتل دوه ویشت کلن دی او تر پيښې وروسته تښتیدلی دی.
د جوزجان دولایتي روغتون مشر ډاکټر میرویس امنیي پرون د ازادي راډیو خبریال ته وویل:
"ظاهري عدلي معاینې ښکاروي چې ښايي، زیندۍ شوې یا په رسۍ یا کیبل غرغره شوې او وژل شوې."
د شبرغان پولیس وايي، چې د مشکوک قاتل په لټه کې دي. د نجلۍ کورنۍ له حکومته غوښتنه کړې چې؛ مشکوک قاتل پيدا کړي او دوی ته دې په لاس ورکړي.
د فاریاب، سرپل او جوزجان لپاره د بشري حقونو د خپلواک کمیسون سیمه ییز دفتر ازادي راډیو ته وویل چې؛ د روان کال له پيل راهیسې یې د ښځو د قتل اته پيښې ثبت کړې دي.
سرچينه : د صدای افغان خبری آژانس(آوا)
https://avapress.com/vdcaueni.49nii1xhk4.html
تبصره پوسټ کړئ
ستاسو نوم
ستاسو دبرېښنا ليک پته