ولسي جرګې، نن د تړلو دراوزو شا ته د بهرنیو چارو وزیر ډاکټر زلمی رسول؛ د ملي امنیت له سلاکار ډاکټر رنګین دادفر سپنتا او د سولې د عالي شورا د دارالانشا له رییس معصوم ستانکزي سره د سولې د پروسې په اړه غونډه وکړه.
دصدای افغان آژانس(آوا)، غونډه د سولې د عالي شورا د دارالانشا د رییس معصوم ستانکزي په وړاندیز سري شوه، چې ویل یې، د موضوع د حساسیت له امله د مطبوعاتو په مخ کې خبرې نه شي کولای.
د افغانستان حکومت په قطر کې د طالبانو د دفتر د پرانستل کېدو د څرنګوالي په غبرګون کې له امریکا سره پر امنیتي تړون خبرې ځنډولي دي.
جمهوري ریاست ویلي، تر هغو به پر امنیتي تړون له امریکا سره مذاکرات نه کیږي؛ تر څو چې په قطر کې طالبانو له افغان دولت سره مذاکراتو ته غاړه نه وي ایښي.