د ایرنا د راپور له مخې د ایران ، افغانستان او پاکستان تر مینځ د دري اړخیزه نوښت په نامه د چارواکو لسمه غونډه په کابل کښې وشوه ، د دي تر څنګ د نشه ایزو توکو د غیرقانوني قاچاق په اړه د کارپيژاندو دوهمه ناسته ،له نشه ایزو توکو سره د مبارزې ځانکړو معلوماتو دریمه ناسته او همدغه راز دغه دري اړخیزه ناسته د زمري له ۲۸ تر ۳۰ په کابل کښې ترسره شوي دي .
په دغو دریوو تخصصي غونډو کښې چې د دري واړو هیوادونو د ملګرتیاؤ په چوکاټ کښې وشوي ،د کابل،تهران او اسلام آباد استازو او په دغو دریوو هیوادونو کښې د ملګرو ملتو له نشه ایزو توکو او جرمونو سره د مبارزې د دفتر مشرانو هم ګډون درلوده .
په دغو دریو اړخیزو ناستو کښې د ایران له نشه ایزو توکو سره د مبارزې د ادارې استازو او انتظامي ځواک له نشه ایزو توکو سره د مبارزې د پولیسو استازو فعاله ګډون درلوده ، دري اړخیزه نوښت په چوکاټ کښې یې ملګرتیاوې مهمي وبللی او په تیره بیا د ګډو عملیاتو په ترسره کولو کښې د ملګرتیاؤ د پراختیا په اړتیا او په تهران کښې د جي پي سي په نامه د ګډ پلان د مرکز له لارې د معلوماتو د چټکې تبادلې غوښتنه وکړه .
د ایران افغانستان او پاکستان له نشه ایزو توکو سره د مبارزې نهمه دري اړخیزه ناسته په تهران کښې ترسره شوي وه .