د امريکا د سرمفتش دفتر په يوه راپور کې په دې اندېښنه ښکاره کړې چې د افغانستان د عامې روغتيا وزارت ته يو ايس ايډ په سلګونو مليون ډالره په داسې حال کې ورکړي چې په دغه وزارت کې فساد موجود دی او د مرستو د لګولو حساب يې هم ورڅخه نه دی اخيستی.
د افغانستان د بيارغونې د څارنې لپاره د امريکا د سرمفتش په راپور کې ويل شوي چې د افغانستان د عامې روغتيا وزارت ته له دې سره سره چې اداري نيمګړتياوې لري د امريکا د ماليه ورکوونکو مليونونه ډالر د مشارکت د قرادادونو پر اساس په داسي حال کې ورکړاي شوي چې د دغو پيسو د مصرفېدو په اړه ډېر لږ اطمينان موجود و.
د امريکا د نړيوالې پراختيا ادارې د افغانستان د عامې روغتيا وزارت پروژو ته د اټکل له مخې ۲۳۶ مليون ډالر ورکړي خو بيا يې مصرف نه دي محاسبه کړي.
دریافت صفحه با کد QR