د کونړ استیناف محکمه وايي، په تېرو شپږو میاشتو کې ۷۶۹ دوسیې ورغلي چې له ډلې یې ۴۱۹ فیصله شوي.
د کونړ د استیناف محکمې رییس قضاوتمل شمس الرحمن رییس زي ازادي راډیو ته د خلکو د شکایتونو په ځواب کې دا خبره وکړه، چې وايي د تورنو کسانو دوسیې ژر نه څیړل کیږي.
ځینې خلک وايي چې؛ په محاکمو کې فساد او بډې اخیستل کیږي او دوسیې یې په مناسب وخت کې نه څیړل کیږي.
خو ښاغلی رییس زی وايي چې؛ په روان کال کې به پاتې دوسیې هم وڅیړل شي او د فساد په مخنیوي کې د خلکو همکاري ضروري ده .