د کاپيسا ولايت په يوه دره کې د دوو قومندانانو ترمنځ د نښتو له کبله عام خلک شکايت لري.
د کاپيسا د (دُرنامې) د سيمې خلک شکايت کوي چې د دغو قومندانانو د جګړې له کبله د دوي ژوند له کړاوونو سره مخامخ شوي دي.
د دوي په وينا د قومندان ضابط وکيل او ګل نظيم ترمنځ اوږدې جګړې له خلکو ارام ژوند اخيستي دي.
له سيمې د ازادۍ راډيو د خبريال له راپور سره سم، خلک وايي چې د دغو دوو قومندانانو ترمنځ د جګړې له کبله خلک ناروغان روغتون ته نه شي بېولي او ښوونځي يې هم بند دي.
د کاپيسا والي محراب الدين صافي ازادي راډيو ته وويل چې د جګړې د مخنيوي لپاره يې ډېرې هڅې کړي خو جګړه مارو د سپين ږيرو او منځګړو غوښتنو ته مثبت ځواب نه دي ويلي.
د کاپيسا د (دُرنامې) د سيمې خلک شکايت کوي چې د دغو قومندانانو د جګړې له کبله د دوي ژوند له کړاوونو سره مخامخ شوي دي.
د دوي په وينا د قومندان ضابط وکيل او ګل نظيم ترمنځ اوږدې جګړې له خلکو ارام ژوند اخيستي دي.
له سيمې د ازادۍ راډيو د خبريال له راپور سره سم، خلک وايي چې د دغو دوو قومندانانو ترمنځ د جګړې له کبله خلک ناروغان روغتون ته نه شي بېولي او ښوونځي يې هم بند دي.
د کاپيسا والي محراب الدين صافي ازادي راډيو ته وويل چې د جګړې د مخنيوي لپاره يې ډېرې هڅې کړي خو جګړه مارو د سپين ږيرو او منځګړو غوښتنو ته مثبت ځواب نه دي ويلي.