د افغانستان د کورنیو چارو وزارت ډاډ ورکوي چې؛ د ولایتي شوراګانو د کاندیدانو امنیت ته به پوره پام کیږي.
د دي وزارت ویاند صدیق صدیقي له ټولو کاندیدانو غواړي چې د کمپاینونو پرمهال له امنیتی ځواکونو سره بشپړه هماهنګي وکړي.
د ولایتي شوراګانو د کاندیدانو انتخاباتي کمپاین نن رسماً پیل شو چې د حمل تر ۱۳ به دوام کوي.
په عین حال کې د انتخاباتي شکایتونو کمیسیون له کاندیدانو غوښتي چې د کمپاین پرمهال د انتخاباتي مبارزو اصول په پام کې وساتي.
د ولایتي شوراګانو انتخاباتو ته شاوخوا دوه زره او اوه سوه کسانو ځانونه کاندید کړي دي.