کد QR مطلبدریافت صفحه با کد QR

رحیمي: د نصب شوې سپوږمکۍ امتحاني فعالیتونه پیل شوي دي

دصدای افغان خبری اژانس(اوا) , 9 ثور 1393 ساعت 14:22


د افغانستان د مخابراتو او معلوماتي تکنالوجۍ وزارت وایي؛ چې په فضا کې د نصب شوې سپوږمکۍ امتحاني فعالیتونه پیل شوي او زیاتوي، چې ډیر ژر به د ولسمشر حامد کرزي له خوا رسماً پرانستل شي.
د دې وزارت ویاند نصرت الله رحیمي نن ازادي راډیو ته وویل؛ چې د دې سپوږمکۍ د نصبېدو کار شل ورځې وخت ونیوه او له درېیو ورځو راهیسې یې امتحاني خپرونې پیل شوي دي.
د افغانستان د مخابراتو په تاریخ کې دا لومړی ځل دی چې هیواد د سپوږمکۍ څښتن کیږي او د چارواکو په وینا دوی به له دې لارې په کال کې څه باندې پنځلس میلیونه ډالره عاید ترلاسه کوي.
د سپوږمکۍ له فعالیتونو سره به د ټلویزیني چینلونو نشرات ډیجیټلي شي او د نورو هېوادونو ټلویزیونونه به هم په آسانۍ سره د لیدو وړ وي.


د مطلب کود: 90518

دمطلب پته :
https://www.avapress.com/ps/news/90518/رحیمي-د-نصب-شوې-سپوږمکۍ-امتحاني-فعالیتونه-پیل-شوي-دي

آوا
  https://www.avapress.com