د افغانستان د فوایید عامې وزارت وايي، ډېر ژر به د دې هېواد د اوسپنې پټلۍ د پروژې په سر تخنیکي څیړنې او ارزونې پیلیږي.
ددې وزارت ویاند سهیل کاکړ نن ازادي راډيو ته وویل ددې پروژې د تخنیکي څیړنو په خاطر د اسیا پراختیايي بانک او یوه کاناډايي شرکت تر منځ یو تړون لاسلیک شوی دی.
ښاغلي کاکړ ، د وسپنې پټلۍ په نړیوال سازمان کې د افغانستان لپاره د وسپنې لارې د کوډ پیدا کیدل ددې پروژې لپاره یو مهم پرمخګت بولي.