د ويښ ځوانانو غورځنګ د پاکستان له خاورې د افغانستان پر ختيځو ولايتونو وروستي راکټي بريدونه او هلته د تاسيساتو جوړول وغندل.
د بلخ ولايت په مرکز مزار شريف کې په جوړه شوې غونډه کې؛ د دې غورځنګ غړو او د مدني ټولنې استازو له افغان دولت څخه وغوښتل چې؛ د پاکستان د دې ډول تحرکاتو مخه دې ونيسي.
په وروستيو کې د کندهار او کونړ چارواکو ادعا وکړه؛ چې د پاکستان له خاورې ورباندې راکټي او د وسله والو کسانو له خوا بريدونه شوي دي.