د افغانستان ولسمشرحامد کرزي د امريکايي پوځيانو د ايستلو په باب د ولسمشر اوباما د پلان له اعلانېدو وروسته په وسله والو طالبانو ږغ وکړ، چې جګړه پای ته ورسوي.
ولسمشرکرزي، چې د واک موده يې په بشپړېدو ده، وويل چې نور د جګړې د دوام دليل نشته.
اوباما د سې شنبې په ورځ وويل چې د ۲۰۱۶ کال تر پايه به له افغانستانه خپل ټول عسکر وباسي.
د ولسمشرکرزي له ماڼۍ څخه په يوه خبرپاڼه کې ويل شوي:
«د امريکا متحدو ايالتونو اعلان کړي چې د خپلو محاربو پوځيانو شمېر به کم کړي او صفر ته به يې ورسوي. د افغانستان ولسمشر پر وسله والو مخالفانو ږغ کوي چې له دې تاريخي فرصته په استفادې جګړه پاي ته ورسوي.»
له بلې خوا وسله والو طالبانو د چهارشنبې په ورځ په يوه خبرپاڼه کې د ۲۰۱۶ کال تر پايه پوري په افغانستان کې د ځواکونو د پرېښوولو په اړه د امريکا پلان وغانده.
سرچينه : دصدای افغان خبری اژانس(اوا)
