اذربایجاني رسنیو خبر ورکړی، چې دغه هېواد به په ۲۰۲۴ کال کې په افغانستان کې خپل سفارت پرانیزي.

د ترکیې د بهرنیو چارو وزیر د اذربایجان او ارمنستان ترمنځ د سولې د موافقې لاسته راوړنه اعلان کړه او ویې ویل، چې دواړو هېوادونو د ځمکنۍ بشپړتیا په رسمیت پېژندلو او د دواړو هېوادونو ترمنځ د سرحدي کرښې د ټاکلو په ګډون په پنځو مهمو اصولو هوکړه کړې ده.

د اذربایجان د بهرنیو چارو وزارت د امریکا د استازو جرګې د مشرې نانسي پلوسي د څرګندونو په غبرګون کې چې د ناګورنو قره باغ په شخړه کې یې د اذربایجان کړنې غندلې وې، ټینګار وکړ چې دا څرګندونې نه یوازې ګټورې نه دي، بلکې فشار هم زیات کړي.

د محرم د میاشتې په رارسیدو سره د اذربایجان د کورنیو چارو وزارت په یوې اعلامیې کې اعلان کړی چې په کورونو، کوڅو، بازارونو او باندنیو برخو کې له دولتي بیرغ پرته د نورو ټولو بیرغونو نصبول جرم دی.

د اذربایجاني رسنیو د راپورونو له مخې ددغه هېواد د تېلو د دولتي کمپنۍ مشر عبدالله یوف د افغانستان د صنعت او تجارت وزارت له سرپرست اجمل احمدي سره د تېلو او ګازو د سوداګرۍ پر پراختیا خبرې کړې دي. دواړو لورو ټینګار کړی چې افغانستان ته د اذربایجان د تيلو او ګازو صادرات به ددواړو هېوادونو ترمنځ سوداګریزې اړیکې لا پراخې او پیاوړې کړي. افغان لوري هيله څرګنده ...