د افغانستان په چارو کې د ازبکستان د جمهور رئیس ځانګړي استازي په تاشکند کې د پاکستان له سفیر سره وکتل او د افغانستان له لارې د ترانسپورتي پروژو او د "ترمز- مزار شریف- کابل- پېښور" د اورګاډي د پټلۍ د غځولو په اړه یې خبرې وکړې.

د هېواد د اوسپنې پټلۍ اداره وايي، چې د دې ادارې مشر د ازبکستان او پاکستان له چارواکو سره پرېکړه کړې، چې د افغانستان د ټرانسپورټ د پروژې تخنیکي مطالعات د تاشکند او اسلام اباد په لګښت پیل کړي.