په جوزجان، فاریاب او فراه ولایتونو کې د اسلامي امارت سیمه ییزو چارواکو اعلان کړی، چې د دغو ولایتونو پر ۳۲۰۰ بزګرانو اصلاح شوي تخمونه او کیمیاوي سرې ویشل شوي دي.

د ننګرهار د کرنې، اوبولګولو او مالدارۍ ریاست سیمه ییز چارواکي وايي، په دغه ولایت کې ۲۸۲۳۵ بزګرانو ته د غنمو د اصلاح شویو تخمونو او کیمیاوي سرې د وېش لړۍ پیل شوې ده.

په افغانستان کې د ملګرو ملتونو د خوړو او کرنې ادارې مشر ریچارډ د کرنې، اوبو لګونې او مالدارۍ له سرپرست مولوي عطاء الله عمري سره په لیدنه کې ویلي، چې دغه اداره به له افغان بزګرانو سره د ۳۱ زره ټنه تخمونو مرسته وکړي.

د کندز د کرنې ریاست چارواکي وايي، سږ کال به له دغه ولایت څخه څه باندې ۵۸۰ زره مټریک ټنه غنم حاصل شي چې د تېر کال په پرتله پنځه سلنه زیاتوالی ښيي.

د بلخ ولايت د کرنې، مالدارۍ او اوبو لګولو رياست مسئولينو د ۱۲۴ ميليونه ۱۵۰ زره ۵۲ افغانيو عوايد اعلان کړل او ويې ويل: په روان کال کې د دغه ولايت په څوارلسو ولسواليو کې د غنمو ۲۱ متريک ټنه اصلاح شوي تخم او دوه بورۍ سپين او تورې سرې په بزګرانو وویشل شوې.

د فراه ولایت د کرنې ریاست چارواکي وايي، په تېرو درېیو میاشتو کې د دغه ولایت ۲۳ زره ۵۰۰ کروندګرو ته اصلاح شوي غنم او کیمیاوي سرې ورکړل شوې دي.