د رئیس الوزرا اداري مرستیال په افغانستان کې د کریم اغا خان له استازي سره په کتنه کې وویل چې زیربناوو ته نه پاملرنه په تېرو شلو کلونو کې د بې وزلۍ، بېکارۍ او اعتیاد د زیاتوالي لامل شوې ده.

د کډوالو په چارو کې د ملګرو ملتونو عالي کمېشنرۍ د آغاخان د پراختیايي شبکې په همکارۍ د داخلي بې ځایه شویو لپاره د پور د ورکړې لومړنی پلان عملي کړ. د دغه پلان له مخې د ټولنې زیانمنو کسانو ته له ۲۵ زرو څخه تر ۳۰۰ زرو افغانیو پورې د اقتصادي فعالیتونو لپاره د بې سود پورونو په بڼه ورکول کېږي.

د باميانو ولايت د پنجاب ولسوالۍ په لسګونو اوسېدونکو د دې ولسوالۍ په يو شمېر کلينيکونو کې د بې عدالتۍ او د کاري ساعتونو د کموالي په اعتراض کې د دې ولسوالۍ په بېلابېلو سيمو کې لاريون وکړ.