په هغې غونډه کې چې د ترکیې، قطر، انګلستان، اسټرالیا، کاناډا، جرمني، ناروې، فنلنډ، ډنمارک او د نفوسو د ملي فدراسیون د سرې میاشتې مسوولینو په ترکیه کې حضور درلود، د افغاني سرې میاشتې رئیس له نړیوالې ټولنې وغوښتل چې له سیاسي مسایلو پرته د افغانستان له خلکو سره مرسته وکړي.

د ملګرو ملتونو د سرمنشي ځانګړي استازي د افغانستان د پوهنې له سرپرست مولوي حبیب الله آغا سره په کتنه کې وویل چې نړیواله ټولنه به له دغه هېواد سره د پوهنې په برخه کې خپلو غیر مشروط مرستو ته دوام ورکړي.

د اسلامي امارت ویاند په افغانستان کې د ښځو د وضعیت په اړه د ملګرو ملتونو د امنیت شورا د غونډې او د بندیزونو د لغوه کولو غوښتنې ته په غبرګون کې وویل، نړیوال سازمانونه او هیوادونه د افغانانو دیني ارمانونه درک کړي او د بشري مرستو مسئله له سیاسي مسلو سره تړاو جلا کړي.

د رئیس الوزرا اداري مرستيال عبدالسلام حنفي دملګرو ملتونو له هيئت سره په کتنه کې څرګنده کړه چې نړيواله ټولنه بايد دافغانانو اصولو او عنعناتو ته درناوى وکړي او ويې ويل: اسلامي امارت دښه شرايطو رامنځته کولو ته ژمن دى.

د اسلامي امارت د ویاند مرستیال یو ځل بیا له نړیوالې ټولنې غوښتي چې د اسلامي امارت په وړاندې د بندیزونو د لیرې کولو لپاره اقدام وکړي. دده په وینا؛ د دغو بندیزونو په دوام سره به د نړیوالې ټولنې او افغانستان ترمنځ واټن نور هم پراخ شي.