د زعفرانو د ګلانو اتم جشنواره او د محلي خوراکي توکو جشن د پنجشنبه په ورځ (د عقرب ۲۵مه) د هرات د کرنې او مالدارۍ په ریاست کې جوړ شو. د هرات د کرنې ریاست چارواکي وايي، سږ کال په هرات ولایت کې د زعفرانو حاصلات زیات شوي دي.

د افغانستان د صنایعو او سوداګرۍ وزارت چارواکي وايي، تېر کال د ۲۲ میلیونو ډالرو په ارزښت ۶۹ ټنه زعفران بهر ته صادر شوي وو.

افغانستان د کرنې او مالدارۍ وزارت وايي چې سږ کال د افغانستان زعفران د کیفیت په لحاظ په نړیوال فسټیوال کې څلورم پرله‎پسې لومړی مقام خپل کړ.