د سرپل ولايت د امنيې قوماندانۍ وياند وايي چې پوليس تر اوسه د دغه ولايت د ښار او ولسواليو د امنيت په تامينولو کې بريالي دي او د سرپل ولايت ټول خلک ځاني او مالي امنيت لري.

د غزني چارواکي او یو شمېر ښاریان په تېر یوه کال کې په دغه ولایت کې د غلاوو او جنايي جرمونو د کموالي خبر ورکوي.

د ترکیې ولسمشر په استانبول ښار کې د پاکستان د لومړي وزیر په حضور کې د یوې غونډې په ترڅ کې په افغانستان کې د امنیت او سولې ټینګښت یوازې د افغانانو مسؤلیت نه وباله او د خپل هېواد او انقرې د هڅو پر دوام یې ټینګار وکړ.