د کار د نړیوال سازمان استازی وايي، په ۲۰۲۱ کال کې د ترسره شویو څېړنو له مخې په افغانستان کې تر یو میلیون ډېر ماشومان کارګران دي او د دې لوی لامل د کورنیو بې وزلي او اقتصادي کمزورتیا ده.

د مزارشريف ښار د يوه خصوصي روغتون مشر وايي: خصوصي روغتونونه او د هېواد ټول ډاکټران بايد په کال کې يوازې يوه ورځ هېوادوالو ته وړيا خدمات وړاندې کړي، ځکه زموږ ګران هېوادوال له بد اقتصادي حالت سره مخ دي او په هیواد کې د کار زمینه کمه شوې ده، دا ډول کړنې د خلکو سره مرسته کولی شي.

رسنیو خبر ورکړی، چې په تېرو څلورو ورځو کې شاوخوا ۲۷۴۳ افغان کډوال له ایران څخه نیمروز ولایت ته راستانه شوي دي.