د اسلامي امارت ویاند ذبیح الله مجاهد د پاکستاني چارواکو هغه ادعا رد کړه، چې ګواکې افغانستان یې پاکستان ناامنه کړی او هغه یې بې ګټې ادعا وبلله، چې عامه ذهنیت مغشوشوي.

د پاکستان د بهرنیو چارو وزارت مرستیالې حنا رباني کهر تورخم ته د خپل سفر په ترڅ کې له اسلام آباد څخه د مسافرو او سوداګریزو مالونو د تګ راتګ د اسانتیاو د برابرولو او په دې پوله د افغانانو د درناوي غوښتنه وکړه.

د اسلامی امارت د بهرنیو چارو وزارت اعلان کړی چې تمه ده د ناروې د اوسلو په غونډه کې د بېلابېلو وزارتونو استازي ګډون وکړي څو د افغانستان پر پرمختګونو خبرې وکړي.

د پاکستان د بهرنیو چارو وزارت مرستیالې حنا رباني کهر د افغانستان او پاکستان لپاره د بریتانیا له ځانګړي استازي انډي مک کاوبري سره د افغانستان پر روانو حالاتو خبرې کړې دي.

د پاکستان د بهرنیو چارو وزارت مرستیالې حنا رباني کهر د ملګرو ملتونو له عمومي منشي انتونیو ګوترش سره په لیدنه کې ویلي، هېواد به یې له اسلامي امارت سره د باور وړ خبرو اترو په رامنځته کولو کې مرسته وکړي.

د پاکستان په بهرنیو چارو کې د دولت وزیره وايي، د منځنۍ اسیا له هېوادونو سره د پاکستان په نښلولو کې د افغانستان دریځ مهم او اړین دی.

د رئیس الوزرا اداري مرستيال عبدالسلام حنفي د پاکستان د بهرنيو چارو له وزيرې حنا رباني کهر سره چې له دغه هېواد څخه د يوه لوړ پوړي پلاوي په مشرۍ کابل ته راغلې وه، په کتنه کې وويل، چې افغانستان د منځنۍ او جنوبي اسیا ترمنځ یو پل دي او موږ د لویو پروژو پلي کولو لپاره کار کوو، موږ چمتو یو چې د TAPI، TOP، کاسا او پېښور-کابل ریل پټلۍ د پلي کولو کې همکاري وکړو....

د اسلامي امارت د صنایعو او سوداګرۍ وزارت سرپرست، د پاکستان د بهرنیو چارو له وزیرې حنا رباني کهر سره چې کابل ته یې سفر کړی، په داسې حال کې چې پاکستاني پانګوالو ته یې په افغانستان کې د پانګونې بلنه ورکړې وه؛ وکتل. هغه هر کال په افغانستان او پاکستان کې د دوه دايمي نندارتونونو د جوړولو او د دواړو هېوادونو ترمنځ د سوداګرۍ د کچې د لوړولو په اړه وړانديزونه ...

د سیاسي چارو کارپوهان وايي، چې افغانستان ته د حنا رباني په مشرۍ د پاکستان د بهرنیو چارو د وزارت د پلاوي سفر تر ډېره یوه ننداره ده. ځکه چې په پاکستان کې اصلي تصمیم نیونکی د هغه هیواد پوځ دی، نه ملکي حکومت، نو د دوی د ټیم مشري یې یوه ښځه وکړه، څو طالبان پوه کړي چې په اسلامي امارت کې باید ښځو ته ونډه ورکړل شي.

د پاکستان د کابینې د بهرنیو چارو وزیرحنا رباني کهر نن سهار د یوه لوړ پوړي پلاوي په مشرۍ د اسلامي امارت له چارواکو سره د خبرو په موخه کابل ته راغله.

ځینو رسنیو خبر ورکړی، چې د پاکستان د بهرنیو چارو وزارت مرستیاله حنا رباني کهر به ډېر ژر افغانستان ته سفر وکړي.

د پاکستان د بهرنیو چارو مرستیال وزیر پر افغان حکومت د بندیزونو د پای ته رسولو غوښتنه کړې او ویلي یې دي چې د دې کار دوام به د دغه هېواد د اقتصاد د سقوط لامل شي.