د ترانسپورت او هوايي چلند وزارت د هېواد له خصوصي سکتور سره د څه باندې دوه میلیارد افغانیو په ارزښت د کابل په هوايي ډګر کې د تمځای او انتظار خونې، د فاریاب ولایت د بندر اقینې پارک او په هرات ولایت کې د ګذرې ترمینل د جوړولو درې پروژې لاسلیک کړې دي. 

د مالیې وزارت چارواکي وايي، دغه وزارت هوډ لري چې د نړیوال بانک، د اسیا پراختیايي بانک او د تېر حکومت شاوخوا ۱،۸ میلیارد ډالر پورونه خصوصي سکتور ته ورکړي.

د سوداګرۍ او صنایعو وزارت سرپرست د خصوصي سکتور له غړو او د ادارو له استازو سره په کتنه کې د هرات ولایت د سوداګرو ستونزې وڅېړلې او ټینګار یې وکړ چې هیچاته اجازه نه ورکول کېږي چې له قانوني دلیل پرته د هېواد سوداګرو ته مزاحمت جوړ کړي.

د کانونو وزارت چارواکي وايي، اسلامي امارت په تېرو دوو کلونو کې ۱۸۰ کوچني کانونه د استخراج په موخه سیمه ییزو شرکتونو ته سپارلي دي.

په سوداګرۍ او ټولنه کې د ښځو پر کم حضور له نیوکو سره سره، د اسلامي امارت د صنعت او سوداګرۍ وزارت چارواکي وايي، په سوداګرۍ کې د ښځو حضور ۶۶ سلنه زیات شوی دی.

کابل ښاروالۍ وايي، د روان کال په پيل کې د کابل ښار په بېلابېلو برخو کې د ١٨١ پراختيايي پروژو له جملې څخه زياتره يې بشپړې او ګټې اخيستنې ته وسپارل شوې.

د اسلامي امارت مسؤلینو په کابل کې د «امام ابوحنیفه رحمه الله د ملي او نړیوال نندارتون» د پرانیستې په مراسمو کې د خصوصي سکټور او د هېواد د کورنیو تولیداتو په ملاتړ ټینګار وکړ او ویې ویل چې کورني او بهرني پانګوال باید په افغانستان کې پانګونه وکړي.

د هېواد د ساختماني، سړک جوړونې، سوداګریزو، پانګونې او لوژستیکي شرکتونو د اتحادیې مسؤلین وايي، اسلامي امارت باید خپل پورونه ادا کړي.