د اروزګان ولايت د احصايې او اطلاعاتو رياست شمېرې ښيي چې تېر کال يې ١٤ زره کسانو ته برېښنايي تذکرې او نږدې ٥٠ زره کسانو ته کاغذي تذکرې وېشلې دي.

د میدان وردګ ولایت د احصایې او اطلاعاتو ریاست سیمه ییز چارواکي وايي، تېر کال د ۲۱ زره برېښنايي پېژندپاڼو او ۶۱ زره کاغذي پېژندپاڼو له وېش څخه څه باندې ۱۱ میلیونه افغانۍ عواید ترلاسه شوي دي.

په ۱۴۰۱ کال کې د بادغیس ولایت د احصایې او اطلاعاتو ریاست له ۱۱۰۰۰ څخه د زیاتو الکترونیکي تذکرو او له ۵۲۰۰۰ څخه د زیاتو کاغذي تذکرو له وېش څخه څه باندې ۹ میلیونه ۷۳۰ زره افغانۍ عواید ترلاسه کړي دي.

د سمنګان ولایت د احصایې او اطلاعاتو ریاست چارواکي وايي، په تېر کال کې یې د الکترونیکي او کاغذي تذکرو د خدمتونو د وړاندې کولو په برخه کې شاوخوا ۱۸ میلیونه افغانۍ عواید د دولت خزانې ته جمع کړي دي.

د پکتيکا ولايت د احصايې او اطلاعاتو رياست چارواکي وايي، تېر کال يې د برېښنايي او کاغذي تذکرو د وېش له لارې څه باندې ۱۵ ميليونه افغانۍ راټولې کړې چې د تېرو کلونو په پرتله ۷۵ سلنه زياتوالی ښيي.

د هرات ولایت د احصایې او اطلاعاتو ریاست چارواکي وايي، هره میاشت په دغه ولایت کې شاوخوا ۳۲ زره الکترونیکي تذکرې وېشل کېږي.