سیاسي کارپوهان وايي، چې ۱۴۰۱ لمریز کال د اسلامي امارت لپاره د بهرني سیاست په برخه کې له لاسته راوړنو ډک کال و او د حکومت مشران په دې وتوانېدل چې د سیمې له ډېرو هېوادونو سره د اړیکو په ټینګولو سره د افغانستان استازیتوب په خپله غاړه واخلي.

د نړیوالو اړیکو کارپوهان وايي چې اسلامي امارت په سپیڅلي بهرني سیاست او د نړۍ او په ځانګړې توګه د سیمې د هیوادونو د ګټو په نظر کې نیولو سره د بهرني سیاست په ډګر کې ښې لاسته راوړنې لري، ځکه چې د سیمې اکثره هیوادونه د افغانستان سفرتونه و اسلامي امارت ته وسپارل.

د پاکستان او افغان حکومت ترمنځ وروستیو کړکیچونو ته په غبرګون کې د اقتصاد وزارت مرستیال عبداللطیف نظري ویلي، چې د اسلامي امارت د بهرنۍ تګلارې تر ټولو مهم شاخص د کړکېچ د کمولو د پالیسۍ دقیق او هدفمند تطبیق دی.