د بلخ ولايت د اطلاعاتو او کلتور رياست چارواکي وايي، چې په دې وروستيو کې له لوست سره د ځوانانو لېوالتيا ډېره شوې او سلګونه ځوانان د مزارشريف ښار عامه کتابتون ته د لوستلو لپاره ورځي.

د هرات د اطلاعاتو او کلتور رييس وايي چې د هرات ولايت د زنده جان ولسوالۍ په سياه آب کلي کې د هرات د زلزله ځپلو لپاره د معياري کورونو او استوګنځيو د جوړولو کار پيل شوى دى.

د جوزجان ولايت د اطلاعاتو او فرهنګ رياست مسوولينو د هېواد ملي موزيم ته د هغو ١٢ لرغونو اثارو د سپارلو خبر ورکړ چې د استخراج په ساحه کې د خلکو له خوا موندل شوي دي.

د ننګرهار د اطلاعاتو او کلتور ریاست وايي، همیشه بهار راډیو او ټلویزیون چې څه موده وړاندې بند شوی و، د فعالیت اجازه یې ورنه کړه.

د هلمند ولایت د بهرامچه ولسوالۍ په دښته کې د یوې کورنۍ اووه غړي وروسته له هغه د مرګ له خطره وژغورل شول چې موټر یې په ریګو کې بند پاتې شوي وو.

د هرات د اطلاعاتو او کلتور رياست چارواکي وايي، چې پرون (يکشنبه، اسد ٨) ديارلس روسي سيلانيانو چې هرات ته د تاريخي ځايونو او په زړه پورې ځايونو د ليدنې په موخه تللي وو، د هرات ولايت د اطلاعاتو او کلتور له سرپرست سره وکتل.

د سرپل ولايت د اطلاعاتو او کلتور رياست چارواکي په دغه ولايت کې د کورنيو سيلانيانو د زياتوالي خبر ورکوي او وايي چې په يوه ورځ کې تر دوو زرو پورې کسان د سياحت لپاره دغه ولايت ته سفر کوي.

په پکتیکا ولایت کې د اسلامي امارت سیمه ییز چارواکي وايي، د دغه ولایت د خوشامند ولسوالۍ په عمرخېلو کلي کې یې دوه زره کلن لرغوني اثار کشف کړي دي.

د بلخ او کندز د اطلاعاتو او کلتور د ریاستونو چارواکې په دغو ولایتونو کې د بهرنیو سیلانیانو پراخ حضور اعلان کړ.

د سرپل ولايت د اطلاعاتو او کلتور رياست چارواکي وايي، د دغه ولايت د مرکز او ولسواليو له کتابتونونو څخه يې د شريعت ضد کتابونو لکه تعويذ ليکنې او اختلافي کتابونو د راټولولو لړۍ پيل کړې ده.

د سمنګان ولایت سیمه ییزو چارواکو د دغه ولایت په خلم ولسوالۍ کې د یوه چورلکه د سقوط خبر ورکړی.

د فراه ولایت د اطلاعاتو او کلتور ریاست چارواکي په دغه ولایت کې د کتاب لوستلو اونۍ په مناسبت د کتابونو د لوی نندارتون د جوړیدو خبر ورکړ.

د هرات ولايت د اطلاعاتو او کلتور رياست مسوولين وايي چې په تېرو څو ورځو کې لسګونو بهرنيو سيلانيانو د دغه ولايت له لرغونو او تاريخي ابداتو څخه ليدنه کړې او د دغه رياست له مسوولينو سره يې ليدلي دي.

د کندهار ولايت د اطلاعاتو او کلتور رئيس انعام الله سمنګاني په دغه ولايت کې د مطبوعاتو د آ‌زادۍ د نړيوالې ورځې د نمانځنې په مراسمو کې وويل چې رسنۍ د ټولنې د بهبود لپاره کار کوي او دولت د رسنيو له کار څخه راضي دى. هغه زیاته کړه، موږ له رسنیو څخه غوښتنه کوو، چې خپلې ستونزې له حکومت سره په تعامل او همکارۍ حل کړي.

د بدخشان او کندز ولایتونو د اطلاعاتو او کلتور ریاست چارواکي وايي چې د امنیتي وضعیت په ښه کېدو سره په دغو دوو ولایتونو کې د کورنیو سیلانیانو حضور په بې ساري ډول زیات شوی دی.

د پکتيا ولايت د اطلاعاتو او کلتور رياست چارواکي وايي، چې د کوچني اختر په شپه او ورځ د دغه ولايت له تفريحي سيمو څخه څه باندې شپېته زره کسانو ليدنه کړې او د ننګرهار ځايي چارواکي وايي، چې نږدې يو ميليون سيلانيانو د دغه ولايت له تفريحي سيمو ليدنه کړې ده.

د غور ولایت سیمه ییز چارواکي وايي، په دغه ولایت کې ۳۵ لرغوني اثار موندل شوي، چې د غوریانو د واکمنۍ له دورې سره تړاو لري.

د فاریاب ولایت سیمه ییز چارواکي وايي، چې د دغه ولایت د تخنیکي او مسلکي زده کړو ریاست محصلینو خپل ۱۹ ډوله نوښتونه نندارې ته وړاندې کړي دي.

د بدخشان سیمه ییز چارواکي وايي؛ د ښځو غږ راډیو چې له یوې اوونۍ راهیسې بنده وه، بېرته فعالیت پیل کړ.

د غزني سیمه ییز چارواکي د دغه ولایت په واغظ ولسوالۍ کې د هاوان د مرمۍ د لګېدو له امله د یوه ماشوم د وژل کېدو او پنځو نورو د ټپي کېدو خبر ورکوي.