د پاکستان د کورنیو چارو وزارت اعلان کړی چې د دغه هېواد د پولیسو له خوا د افغان کډوالو د ځورولو په اړه د راپور په اړه څېړنه کوي.

د اسلامي امارت د اقتصاد وزارت سرپرست دین محمد حنیف د یوناما له مرستیال او د ملګرو ملتونو د مرستندویه ادارو له یو شمېر مسوولینو سره په کتنه کې وویل، له پاکستان څخه د افغان کډوالو جبري ایستل د ټولو اصولو خلاف کار دی.

د ترکیې د ادرین ولایت د مهاجرت ریاست د معلوماتو له مخې ۲۱۵ تنه افغان کډوال د ترکیې له ادرین ښار څخه استانبول ته انتقال شوي دي. ترکیې د روان کال له پیله تر اوسه شاوخوا ۳۰ زره افغان کډوال نیولي او په زوره یې هېواد ته استولي دي.

سید علي قاسمي؛ د مهاجرینو او بهرنیو اتباعو د چارو ادارې عمومي رئیس خراسان رضوي او د مشهد ښاروال علي شیرمحمدي د افغان مهاجرینو د وړتیاوو له نندارتون څخه چې په مشهد مقدس کې د «وطن مهر» تر عنوان لاندې جوړ شوی وو، لیدنه وکړه.