د لوړو زده کړو وزارت سرپرست ندا محمد ندیم لوګر ولایت ته د خپل سفر په ترڅ کې د دغه ولایت د لوړو زده کړو موسسې څخه لیدنه وکړه او له مسوولینو سره یې په لیدنه کې د استادانو د ظرفیتونو پر لوړولو ټینګار وکړ.

د اسلامي امارت د لوړو زده کړو وزارت په دولتي او خصوصي پوهنتونونو کې هیواد ته راستانه شوي افغان کډوال محصلین شاملیدو اعلان وکړ.

د اسلامي امارت د لوړو زده کړو وزارت سرپرست ندا محمد ندیم ویلي، چې د هېواد د پوهنتونونو د تحصیلي نصاب د تعدیل کار بشپړ شوی او ډېر ژر به عام شي.

د ملګرو ملتونو سرمنشي د پوهنې د نړیوالې ورځې په مناسبت په یوه پیغام کې له اسلامي امارت غوښتي چې په افغانستان کې ښوونځیو او پوهنتونونو ته د ښځو د ورتګ د بندیز پرېکړه بېرته واخلي.

د لوړو زده کړو وزارت سرپرست ندا محمد ندیم وايي، په خصوصي او دولتي پوهنتونونو کې د ژبو او ادبیاتو د نصاب د بیا کتنې لړۍ پیل شوې ده. د هغه په وينا، د تعليمي نصاب تعديل او د هغې پراختيا اړخ ته پاملرنه د يوې ټولنې اړتيا او د پرمختګ ښه لار ده.

د پوهنتونونو او خصوصي لوړو زده کړو موسسو اتحادیه خبرداری ورکوي چې که ښځینه محصلینو ته د زده کړو اجازه ورنکړل شي، د اقتصادي ستونزو له امله به ډېری پوهنتونونه وتړل شي.

د هېواد په پوهنتونونو کې د نجونو د زده کړو د ځنډولو په اړه د لوړو زده کړو د سرپرست وزیر د پرېکړې په اړه له یو شمېر راپورونو وروسته، د تبیان کلتوري او ټولنیزو فعالیتونو مرکز مشر د دغه پرېکړه لیک د تصویب په صورت کې خطرناکه وبلله او د دولت پوهانو څخه وغوښتل چي کورنیو او بهرنی حساسیتونه درک کړي او د دښمنانو او سپکو سیالانو بهانه په لاس کې ور نکړي، تر څو ...