د کرنې، اوبولګولو او مالدارۍ وزارت چارواکي وايي، د غزني ولایت د کرنې ریاست د دغه ولایت د کروندګرو او مالدارانو د محصولاتو د رسولو په موخه د کرنې او مالدارۍ د محصولاتو نندارتون په لاره اچولی دی.

د اسلامي امارت د اقتصاد وزارت مسؤلینو د « ملت ته د حکومت د حساب ورکونې » په غونډه کې وویل چې د ۱،۶۴۷ میلیونه ډالرو په ارزښت ۲۲۳۳ پروژې بشپړې شوي او ۱،۳۴۰ نورې تر کار لاندې دي. د دوی په وینا، حکومت هڅه کوي چې د سیمه ییزو او کورنیو ظرفیتونو په کارولو سره د افغانستان اقتصاد وده وکړي.

د هېواد د سټنډرډ ملي اداره وايي، د تېلو شپږ واګونونه چې له ازبکستان څخه د حيرتان بندر له لارې وارد شوي وو، بېرته راګرځېدلي دي.

د اسلامي امارت د اقتصاد وزارت چارواکي وايي، په هېواد کې د انفلاسیون کچه راټیټه شوې ده.

د مالیې وزارت اعلان کړی، چې د ۱۴۰۲ مالي کال د بودیجې طرحه یې چمتو کړې او ډېر ژر به د مالیې وزارت اقتصادي او اداري دفترونو ته واستول شي.

د افغانستان د اقتصاد وزارت وايي، د بګرام هوايي اډې د اقتصادي ډګر د بدلولو لپاره یې لومړنۍ څېړنې بشپړې کړې دي.

د اقتصاد وزارت سرپرست قاري دین محمد حنیف په افغانستان کې د اروپايي ټولنې له شارژدافیر سره په کتنه کې وویل چې بشري مرستې په اوږدمهال توګه د خلکو ستونزې نه شي هوارولی او دا مرستې باید په پراختیايي او زیربنایي برخو کې ولګول شي.

د اقتصاد وزارت د مسلکي مرستیال عبداللطیف نظري په وینا؛ هغه کسان چې د بهرنیانو په امر د هیواد نفاق، ویشلو او ورانولو ته بلنه ورکوي، تاریخ ترې کرکه لري. هغه دا هم وايي چې نفاق او تاوتریخوالي ته د خلکو هڅول جرم دی.

د اقتصاد وزارت مرستیال عبداللطیف نظري په دې باندې په ټینګار سره چې داخلي یووالی او همغږي د هیواد د اوسنیو شرایطو له اړتیاو څخه ده، څرګنده کړه چې یو شمیر بهرني اجیران له دښمن سره د ملګرتیا او خواخوږۍ له شرم سره مخامخ شوي دي او په دې نیت یې کوي چې د افغانستان د خلکو تر منځ فتنې رامنځته کړي.

د اسلامي امارت د اقتصاد وزارت د کابو دوه زره غیر دولتي بنسټونو د تړلو اعلان وکړ.

د اقتصاد وزارت مرستیال د یو ټویټ په خپرولو سره د ناتمامه پروژو د بیا فعالولو هڅې اعلان کړې.