د بلخ سیمه ییزو چارواکو د محرم د مراسمو و د امنیت د تامین په موخه د همغږۍ د غونډې د جوړېدو خبر ورکړی او وايي، چې هېڅ ډول محدودیت نه دی لګول شوی.

د بلخ، کندز او تخار ولایتونو سیمه ییزو او امنیتي چارواکو د راتلونکي اختر په ورځو کې د امنیت ډاډ ورکړی او وايي چې ټول اړین امنیتي تدابیر یې په جدي توګه نیولي دي.

د افغانستان لپاره د جاپان ځانګړي استازي کاناسوکي ناګاوکا د ملي دفاع وزارت له مرستیال سره په لیدنه کې د دغه هېواد له امنیت څخه خوښي څرګنده کړه.

د کابل ښاریان وايي چې د کوچني اختر لومړۍ ورځ یې په ډاډمنه فضا کې تېره کړه. په ورته وخت کې د کورنیو چارو وزارت په کابل کې د امنیت د تامین لپاره د پوستو د زیاتوالي او د اسلامي امارت د ځواکونو د چمتووالي خبر ورکړی دی.

ديني عالمان او فرهنګي فعالان وايي، چې خلکو د سږني کال د قدر د شپې په ديني او روحاني مراسمو کې له کومې پېښې پرته او تر بشپړ امنيت لاندې په جوماتونو کې ګډون وکړ.

په کابل ښار کې د شپنیو غلاوو، د روږدو کسانو له زیاتوالي او د خلکو له شکایتونو وروسته د اسلامي امارت مسؤلین وايي، خلک دې د امنیت په تامین کې له اسلامي امارت او امنیتي ځواکونو سره همکاري وکړي.

د افغانستان د شیعه علماو شورا د سمنګان ولایت په یوه دیني مدرسه کښې د وروستۍ خونړۍ چاودنې په غبرګون کښې د دغې پیښې د غندلو په ترڅ کښې ټینګار وکړ چې د دیني او ښوونیزو مرکزونو د امنیت تامین د حکومت له دندو څخه دی.

د تېرې جمعې په ورځ (میزان ۸) له خونړۍ چاودنې وروسته کارپوهان وايي، که دا چاودنې کنټرول نه شي، د ټولو هغو کسانو پر وړاندې د خلکو کرکه راپارولی شي، چې په مستقیم او غیر مستقیم ډول د امنیت د تامین مسؤل دي او تر منځ یې واټن زیاتېږي.

د کورنیو چارو وزارت مسؤلینو له ټولو هېوادوالو وغوښتل چې د ښه امنیت په تامین کې د اسلامي امارت له ځواکونو سره همکاري وکړي تر څو د هېواد په مرکز او ولایتونو کې د جنايي جرمونو کچه صفر شي.