دجمهور رييس سياسي مرستيال مولوي عبدالکبير له محمد اکبري سره په کتنه کې وويل چې اسلامي امارت له خپلو ټولو ګاونډيانو سره د متقابل درناوي په اساس د ښو اړيکو غوښتونکى دى. هغه زیاته کړه چې اسلامي امارت قومي تبعیض حرام ګني او د شیعه او سني هیوادوالو ترمنځ توپیر نه کوي.

د اسلامي امارت ویاند تیره شپه (قوس ۱۶) اعلان وکړ چې په افغانستان کې د جاپان سفیر تاکاشي اوکاتا د سرپرست حکومت د رئیس الوزرا له سیاسي مرستیال مولوي عبدالکبیر سره وکتل. په دې کتنه کې د رئیس الوزرا سیاسي مرستيال د جايکا موسسي له خوا د زياتو پرمختيايي پروژو په عملي کولو ټينګار وکړ او له افغانستان سره يې د جاپان د بشري مرستو قدرداني وکړه.