د کابل د طبي علومو پوهنتون چارواکي وايي، د افغانستان د فزيوتراپي ټولنې، د سره صليب نړيوالې کمېټې او د لوړو زده کړو وزارت په همکارۍ يې د دوه ميليونه افغانيو په لګښت د دغه پوهنتون د فزيوتراپي څانګه پرانېستې ده. دوی له ملي او نړیوالو بنسټونو هم غوښتي چې په دې برخه کې له افغانستان سره مرسته وکړي.

د سره صليب د نړيوالې کمېټې عملياتي مشر د بېلابېلو مرستندويه بنسټونو له استازو سره د ليدنې پر مهال د افغانستان پر اقتصادي، بشري، زيربنايي او روغتيايي وضعيت خبرې وکړې او ويې ويل، چې نړيوالې ټولنې افغانستان هېر کړى دى.

د سره صليب کمېټې مشر د بهرنيو چارو وزارت له سياسي مرستيال سره د کتنې پر مهال په افغانستان کې د دغه بنسټ د فعاليتونو د پراخېدو پرېکړه اعلان کړه.