د فواید عامې وزارت چارواکي وايي، د شاوليکوټ – ترینکوټ سړک به د ۴۵ کیلومترو په اوږدوالي سره ورغول شي.

د هېواد په جنوب کې سيمه ييز چارواکي وايي، چې د هېواد په جنوب کې د څه باندې شپږ سوه ميليونو ډالرو په ارزښت لسګونه پراختيايي پروژې تر کار لاندې دي.

د ټولګټو وزارت وايي، د سالنګ لويې لارې د درېيمې برخې د بيارغونې چارې يې پيل کړې، چې له خانجان ولسوالۍ څخه تر دوشي ولسوالۍ پورې غځېدلې او ٢١،٣ کيلومتره اوږدوالى او اووه متره سور لري.

د اسلامي امارت د فواید عامې وزارت چارواکي وايي، چې د ۲۳ میلیونه افغانیو په ارزښت د کابل - جلال آباد د لویې لارې د ویجاړو شویو برخو د بیارغونې او د دغې لویې لارې د استنادي دیوالونو د بیارغولو د پروژې کار پیل شوی او په عملي توګه روان دی.

د اسلامي امارت د فواید عامې وزارت سرپرست ملا محمد عیسی ثاني چې د یوه پلاوي په مشرۍ بامیان ولایت ته سفر کړی، ژمنه کړې چې د دغې لویې لارې د بیارغونې چارې به ژر پیل کړي.

د کابل - جلال آباد لویه لاره چې له تېرې ورځې راهیسې د غره د ښویېدو له امله تړل شوې وه، د ملي دفاع او فواید عامې وزارت د ۳۱۳ قول اردو د دوهمې لوا د انجنیرۍ ټیمونو له خوا په موقتي توګه بېرته پرانیستل شوه.

د فواید عامې وزارت د شنبې په ورځ (سنبلی ۲۵) د یوې خبرپاڼې په خپرولو سره له ټرانسپورټي شرکتونو او د درنو بار وړونکو بار وړونکو موټرو له چلوونکو غوښتي چې د اضافي بار له لېږدولو ډډه وکړي او د وزارت له خوا د ټاکل شویو معیارونو له مخې وزن انتقال کړي.

د فواید عامې وزارت د هېواد د سړکونو د وضعیت په اړه یو خبر خپور کړی او وايي چې د بدخشان ولایت د څلورو ولسوالیو لارې د واورې د ورښت له امله تړل شوې دي.

په لغمان ولايت کې د ٢٦ ميليونه افغانيو په ارزښت د پنځه کيلومترو په اوږدوالي د اوبو د يوه کانال د جوړولو پروژه پرانستل شوه.

د فواید عامې وزارت اعلان وکړ، چې د غور - کابل لویه لار له شاوخوا یوې ورځې او شپې وروسته د ترافیکو پر مخ خلاصه شوه.

د اسلامي امارت د فواید عامې وزارت اعلان کړی چې د سالنګ لویه لار د سختو واورو او توپان له امله تړل شوې ده او دغه وزارت له ښاریانو غوښتي چې تر بل خبرتیا پورې دې د سالنګ پر لویه لار تګ راتګ نه کوي.

د فواید عامې وزارت نن شنبه (جدی ۲۴) د سالنګ لویه لار د ټرافیکو پر مخ پرانیسته او له موټر چلوونکو یې وغوښتل چې ترافیکي قوانین مراعات کړي.

د فواید عامې وزارت ویاند وايي چې اور لګېدنې د سالنګ تونل په جدي توګه نه دی ویجاړ کړی. خو په دې پېښه کې ۲۵ مسافر وړونکي او بار وړونکي موټر سوځېدلي او خلکو ته درانه زیانونه اوښتي دي.

د عامې روغتیا وزارت او د پروان ولایت چارواکي وايي، چې تر اوسه د پېښې له ځایه ۲۰ مړي او ۳۷ ټپیان روغتونونو ته لېږدول شوي دي، خو تر اوسه معلومه نه ده چې په تونل کې څومره مړي او ټپیان پاتې دي. د فواید عامې وزارت ویاند دا هم وویل چې لاره د ترافیکو پر مخ تړل شوې او مسافر باید تر بل خبرتیا پورې سالنګ ته تګ راتګ ونه کړي.

د فواید عامې وزارت ویاند په سالنګ کې د اورلګېدنې د تلفاتو د زیاتوالي خبر ورکړی او ویلي یې دي، چې د مړو او ټپیانو شمېر ۳۷ ته رسېدلی دی. ده وويل چې اور لګېدلى دى خو لاره لا هم بنده ده او خلک بايد سالنګ ته له تګ څخه ډډه وکړي.

د فواید عامې وزارت ویاند وايي، په شمالي سالنګ کې د اور لګېدنې له امله ۹ تنه وژل شوي او تر ۳۰ ډېر ټپیان دي او دغه لار لا هم د ترافیکو پر مخ تړلې ده.

د سالنګونو د ساتنې او څارنې ریاست مسوولین وايي، د سالنګ د لویې لارې د کانکریټي کار پیل شوی دی. دوی ویلي چې د دې کار بهیر به د نړیوالو معیارونو سره سم پرمخ ځي.