عربي هیوادونو پارلمان (د عربو هیوادونو مقننه اداره) د ټولو هیوادونو له پارلمانونو څخه وغوښتل چې د سویډني محصولاتو بایکاټ وکړي او دې سلطنت ته له سفر څخه ډډه وکړي.

د افغانستان د قران عظیم الشان د عالي شورا مشر وايي، د قران کریم د سوځولو اصلي عاملین باید د یوې بې پرې ادارې له خوا مجازات شي، ځکه د قرآن کریم سوځول یو کرکه او د نړۍ د مسلمانانو سپېڅلو ارزښتونو ته سپکاوی دی.

په افغانستان کې د ملګرو ملتونو د سیاسي دفتر یا (یوناما) مرستیال په سویډن او هالنډ کې د قران کریم د سوځولو وروستۍ پېښې د مسلمانانو پر وړاندې د کرکې څرګندونه وبلله او زیاته یې کړه چې دا کار د بیان له ازادۍ سره نه دی تړلی او موږ دا عمل په کلکه غندو.