په انګلستان کې د میشتو مسلمانانو یوې ډلې پرون (شنبه، دلو ۸) په لندن کې د سویډن سفارت مخې ته راټول شوي وو، د سویډن د افراطي استازي دغه شرمناک عمل او د قران کریم سوځول یې وغندل او د هغه پر ضد یې د پرېکنده اقدام غوښتنه وکړه.

د مزارشريف په مرکز روضه مبارک جومات کې په زرګونو لمونځ کوونکو د قران کريم بې حرمتي او سوځول د مسلمانانو او بشريت د سپېڅلو اثارو پر ضد جنايت وباله او د دغه ناوړه عمل د عاملينو د مجازات غوښتنه يې وکړه.

د بلخ ولایت د سیمه ییزو ارګانونو ادارې چارواکي وايي: قرآن کریم د مسلمانانو او د افغانستان د ملت ویاړ دی او د قران کریم سوځول د دغه الهي او ستر کتاب ارزښت او سپېڅلي ځای ته زیان نه رسوي او دغه جنایت د خلکو لخوا ترسره کېږي. د قرآن پر ضد اروپايان مسلمانان نور هم ويښ، زړور او هوښياروي. د دغه ولایت د پوهنې رئیس په وینا، په داسې حال کې هغه خلک او کړۍ چې په ...

د بدخشان او سمنګان ولایتونو اوسېدونکو د جمعې د لمانځه له ادا کولو وروسته په سویډن او هالنډ کې د قرآن کریم بې حرمتي او د دغه سپېڅلي کتاب سوځول وغندل. دوی له اسلامي امارت وغوښتل چې د دښمنانو د دسیسو په وړاندې چوپه خوله پاتې نه شي او د اسلام د دښمنانو د غرور په وړاندې دې ځواب ورکړي.

د خوست په سلګونو اوسیدونکو نن د یوې لاریون په ترسره کولو سره په سویډن کې د قرانکریم توهین په کلکه وغانده. لاريون کوونکو له نړيوالې ټولنې وغوښتل، چې د بيان د آزادۍ تر نامه لاندې د دا ډول وحشیانه کړنو د تکرار مخه ونيسي.

د هرات د اطلاعاتو او کلتور رييس په سويډن کې د قران کريم د سوځولو پېښه وغندله او د دې پېښې د عاملينو د مجازات غوښتنه يې وکړه.