په اسلام آباد کې د ملګرو ملتونو د کډوالو د عالي کمېشنرۍ دفتر اعلان کړی، چې په پاکستان کې د افغان کډوالو د وروستیو ځورونو او نیول کېدو په اړه یې د دغه هېواد له چارواکو سره خبرې کړې دي او هغوی یې د حل ژمنه کړې ده.

د کډوالو د نړیوالې ورځې په مناسبت د ایران په مشهد ښار کې د افغانستان د نهادونو او موسسو له خوا د خراسان رضوي ولایت د اتباعو او بهرنیو مهاجرینو د دفتر او د ملګرو ملتونو د کډوالو د عالي کمېشنرۍ په همکارۍ د «وطن مهر» تر عنوان لاندې کنفرانس جوړ شو.