پخواني ولسمشر د هېواد د خپلواکۍ د بېرته ترلاسه کولو د سلمې کلیزې په مناسبت په یوه پیغام کې له اسلامي امارت وغوښتل چې د ښوونځیو او پوهنتونونو دروازې دې د نجونو پر مخ پرانیزي، ترڅو هېواد په رښتیني مانا خپلواکي ترلاسه کړي.

د پاکستان د اسلامي نظریاتي کونسل مشر قبله ایاز ویلي دي چې د تعلیم په اړه د اسلامي امارت د بهرنیو چارو د وزارت د سیاسي مرستیال شیر محمد عباس ستانکزي نظر تاییدولی شي.