داعش ترهګرې ډلې د یوې خبرپاڼې په خپرولو سره په کابل کښې د پاکستان په سفارت د حملې مسئولیت په غاړه واخیست. د دې ډلې په وینا، د داعش دوو غړو د جمعې په ورځ د قوس په ۱۱ مه په کابل کې د پاکستان د سفیر عبیدالرحمن نظاماني د وژلو په هدف د دغه هېواد پر سفارت برید وکړ.

په کابل کې د پاکستان پر سفیر له وسله وال برید وروسته د ملګرو ملتونو امنیت شورا په یوه اعلامیه کې پر ټولو خواوو غږ کړی چې د ملګرو ملتونو د غړو هېوادونو د ډیپلوماټیکو او قونسلګریو تاسیساتو او پرسونل خوندیتوب ته درناوی وکړي.