یو شمېر کابل ښاریان وايي، چې د پیازو بیې درې برابره لوړې شوې او خلک یې له ستونزو سره مخ کړي، خو د سوداګرۍ او صنایعو وزارت ډاډ ورکوي، چې د دې ستونزې د هواري لپاره له منځنۍ اسیا هېوادونو څخه د پیازو د واردولو هڅې روانې دي.

د مالیې وزارت د یوې خبرپاڼې په خپرولو سره د هېواد په بازارونو کې د دغو محصولاتو د بیې د راټیټولو په موخه د پیازو او رومیانو په ګډون د سبزیجاتو پر وارداتو ګمرکي تعرفه له ۲۰ سلنې څخه ۵ سلنې ته راټیټه کړې ده.