د کانونو او پټرولیم وزارت سرپرست شهاب الدین دلاور په کابل کې د افغانستان لپاره د چین له نوي سفیر ژاو سینګ سره وکتل او د عینک د مسو پروژې د پرمختګ په اړه یې خبرې وکړې.

په داسې حال کې چې د ملګرو ملتونو د عمومي اسامبلې غونډه روانه ده، په کابل کې د چین نوي سفیر د یوناما له مشر او د ملګرو ملتونو د سرمنشي له ځانګړي استازي سره د افغانستان د وضعیت په اړه د نظر تبادله کړې ده.

د اسلامي امارت د بهرنیو چارو وزارت ویاند اعلان کړی، چې د دغه وزارت سرپرست امیرخان متقی په کابل کې د چین له سفیر وانګ یو سره وکتل او دواړو لورو د سیاسي او اقتصادي اړیکو پر پراختیا ټینګار وکړ.

په کابل کې د چین سفیر وانګ یو د اسلامي امارت د عامې روغتیا وزارت له سرپرست سره په کتنه کې وویل، هېواد یې د افغانستان د روغتیا په برخه کې د اړتیاوو په پوره کولو کې هر ډول همکارۍ ته چمتو دی.

د کورنیو چارو وزارت وايي، د دغه وزارت سرپرست سراج الدین حقاني په کابل کې د چین له سفیر وانګ یو سره وکتل. په دې کتنه کې د چین سفیر وویل چې دغه هېواد د فشار د سیاستونو ملاتړ نه کوي او د افغانستان په وړاندې د دا ډول سیاستونو د عملي کولو اجازه نه ورکوي.

په کابل کې د چین سفیر وانګ یو د اسلامي امارت د بهرنیو چارو له سرپرست وزیر سره وکتل. هغه د افغانستان له سرپرست حکومت څخه د ملاتړ په ترڅ کې له اړمنو افغانانو سره د خپل هېواد د ژمنیو مرستو د دوام اعلان وکړ.

په افغانستان کې د چین سفیر د یو ټویټ په خپرولو سره په افغانستان کې د خپل هېواد د نفوذ د پراخېدو خبر دروغ بللی او ویلي یې دي، هر هغه آوازې چې د چین او افغانستان دوستي کمزورې کوي، بریالۍ به نه شي.

د اسلامي امارت د بهرنیو چارو سرپرست وزیر مولوي امیر خان متقي په کابل کې د چین له سفیر وانګ یو سره د لیدنې پر مهال له هغه څخه وغوښتل چې د افغان سوداګرو لپاره د ویزو د ورکړې بهیر قانون جوړ کړي.