د شمال د ډبرو سکرو اداره وايي، د روان کال په شپږو مياشتو کې د دغه رياست عوايد د تېر کال د همدې مودې په پرتله پنځوس سلنه زيات شوي دي.

د اسلامي امارت د کانونو او پټرولیم وزارت اعلان کړی چې د روان کال د عقرب میاشتې له لومړۍ نیټې څخه به هیڅ پانګه وال د وزارت له لیکلي اجازې پرته د ډبرو سکاره بهر ته صادر نه کړي.

د کانونو او پټرولیم وزیر شهاب الدین دلاور بغلان ته د یوه سفر په ترڅ کې ۱۴ کسانو ته د ۹ میاشتو د ډبرو سکرو د استخراج جوازونه ورکړل.

د مالیې وزارت وايي، چې د ۱۴۰۱ کال په لسو میاشتو کې ۷،۲ میلیونه ټنه سکاره د ګمرکونو له لارې له هېواده بهر صادر شوي او له هغې څخه څه باندې ۱۲ میلیارده افغانۍ عواید ترلاسه شوي دي.

د ډبرو سکرو اتحاديې چارواکي او سوداګر وايي، حکومت د ډبرو سکرو لاريو پر مخ لاره تړلې او د لېږد اجازه نه ورکوي. له همدې امله موټر چلوونکي اعتصاب ته اړ شوي دي.

د هېواد د صنایعو او سوداګرۍ وزارت سرپرست وايي، له افغانستان څخه ایران ته د ډبرو سکرو د صادراتو تړون به ډېر ژر لاسلیک او نهايي شي. هغه وویل چې د دې کار موخه د دواړو هېوادونو ترمنځ د صادراتو او اړیکو پراخول دي.

د بلخ د ډبرو سکرو اتحاديې مشر وايي، په مزارشريف کې يو ټن سکاره په ۸ او ۹ زره افغانۍ پلورل کېږي، ځکه د ډبرو سکرو پر وړاندې د خلکو ماليه کمه ده او سوداګر هم خلکو ته د ډبرو سکاره ورکوي. خو د هغو خلکو لپاره چې له فقر او بېکارۍ سره لاس او ګریوان دي د قناعت وړ نه دي او باید په دې برخه کې زیاته پاملرنه وشي.