د اسلامي امارت د کرنې، اوبولګولو او مالدارۍ وزارت چارواکي وايي، چې د دغه وزارت د چارواکو او په تاشکند ښار کې د ازبکستان د کرنې پوهنتون ترمنځ د کرنیزو زده کړو په برخه کې د همکارۍ تفاهم لیک لاسلیک شو.

د کرنې، اوبولګولو او مالدارۍ وزارت وايي، چې د دغه وزارت له لوري د قوشتپې کانال شاوخوا ځمکې د وېش خبرونه حقیقت نه لري او دا خبر افواهات دي.

د کرنې، اوبولګولو او مالدارۍ وزارت سرپرست مولوي عطاء الله عمري په کابل کې د ایران د اسلامي جمهوریت له سفیر او ځانګړي استازي حسن کاظمي قمي سره وکتل او دواړو لورو د دواړو هېوادونو ترمنځ د کرنې په برخه کې د شویو هوکړه لیکونو پر عملي کېدو ټینګار وکړ.

د میدان وردګ ولایت د کرنې، اوبولګولو او مالدارۍ ریاست سیمه ییز چارواکي وايي، چې په دغه ولایت کې د سږني لمریز کال د شاتو په حاصلاتو کې د تېر کال په پرتله ۶۰ سلنه زیاتوالی راغلی دی.

د کندز د کرنې ریاست چارواکي وايي چې د دغه ولایت د سپین‌زر د تولید فابریکې له څلوېښتو کلونو وروسته بېرته فعالیت پیل کړ.