په انګلستان کې د میشتو مسلمانانو یوې ډلې پرون (شنبه، دلو ۸) په لندن کې د سویډن سفارت مخې ته راټول شوي وو، د سویډن د افراطي استازي دغه شرمناک عمل او د قران کریم سوځول یې وغندل او د هغه پر ضد یې د پرېکنده اقدام غوښتنه وکړه.

د کندوز، ننګرهار، زابل، کندهار، پکتیا او پکتیکا ولایتونو سلګونو اوسېدونکو په سویډن کې د قران کریم د سوځولو په اعتراض کې لاریون وکړ. لاريون کوونکو د مرګ پر سويډن شعارونه ورکول او د دغه هېواد بيرغ يې وسوځاوه.