د بهرنیو چارو د وزارت د ویاند مرستیال وايي، د ایران د اسلامي جمهوریت د بهرنیو چارو وزیر د هېواد د بهرنیو چارو له سرپرست وزیر سره په ټیلیفوني خبرو کې د هرات ولایت د زلزلې له قربانیانو سره خپله خواخوږي څرګنده کړه او همدارنګه یې د زلزلې له قربانیانو سره د مرستو لپاره خپل چمتووالی اعلان کړ.

په افغانستان کې د وروستیو زلزلو تلفاتو په زیاتیدو سره د نړیوالو بشري مرستو او مالي مرستو ژمنې دوام لري.

اروپايي ټولنې د افغانستان په زلزله ځپلو سیمو کې له خلکو سره د مرستې لپاره خپل چمتووالی اعلان کړ.