د کورنیو چارو وزارت ویاند وايي، د کورنیو چارو وزارت سرپرست سراج الدین حقاني د افغانستان لپاره د روسیې له ځانګړي استازي سره په لیدنه کې ویلي، چې په افغانستان کې رامنځته شوی امنیت د روسیې په ګډون د ټولې سیمې او نړۍ په ګټه دی. اسلامي امارت به په سیمه کې د لازیات امنیت لپاره کار کوي.

د کورنیو چارو وزارت سرپرست سراج الدین حقاني په پکتیا ولایت کې د یوه جومات د پرانستې په مراسمو کې وویل، په داسې حال کې چې بهرنیان دوی د هېواد ورانوونکي بولي؛ خو اسلامي امارت د پرمختيايي پروژو په پيلولو سره وښودله چې د هېواد «جوړونکي» دي.

د کورنیو چارو وزارت سرپرست د دغه وزارت له مسوولینو سره په کتنه کې وویل، چې پر مسوولینو ور اچول شوی مسوولیت شتمني نه، بلکې امانت دی.

د کورنیو چارو وزارت سرپرست سراج الدین حقاني په غزني ولایت کې یوې غونډې ته په وینا کې له پاکستانه د افغان کډوالو د ایستلو موضوع ته په اشارې سره وویل چې دا کار د نړیوالو قوانینو خلاف دی.

ملي ټلویزیون راپور ورکړ چې د کورنیو چارو سرپرست وزیر سراج الدین حقاني د یوه پلاوي په مشرۍ ننګرهار ولایت ته د تورخم په پوله د سفر پر مهال له پاکستانه د شړل شویو کډوالو په اړه خبرې وکړې.

د کورنیو چارو وزارت سرپرست سراج الدین حقاني په خوست ولایت کې یوې ولسي غونډې ته په وینا کې وویل چې له پاکستانه د افغان کډوالو په زوره او په خپله خوښه ایستل د اسلامي ارشاداتو او نړیوالو قوانینو خلاف کار دی.

د کورنیو چارو وزارت سرپرست په افغانستان کې د جاپان له پخواني سفیر تاکاشي اوکادا او په افغانستان کې د جاپان له نوي سفیر تاکیوشي کورمایا سره په کتنه کې وویل چې جاپان کولای شي د افغانستان په بیارغونه کې رغنده رول ولوبوي.

د کورنیو چارو وزارت سرپرست سراج الدین حقاني د کابل له امنیتي چارواکو سره په لیدنه کې ویلي، چې حکومت د ولس له ملاتړ پرته دوام نه دکوي، له همدې امله باید د اسلامي امارت مسوولین په ظاهر او باطن یو رنګ وي او د خلکو سره د دوی د حکومتدارۍ لپاره ښې اړیکې ولري.

د کورنیو چارو وزارت سرپرست سراج الدین حقاني په پکتیکا ولایت کې د ۲۰۳ منصوري قول اردو له مسوولینو سره په کتنه کې وویل چې د هېواد له آزادۍ وروسته اوس د یووالي د ټینګښت وخت دی.

د اسلامي امارت د کورنیو چارو سرپرست وزیر سراج الدین حقاني په تیرو دوو کلونو کې پنجشیر ولایت ته په خپل لومړي سفر کې د افغانستان په تاریخ کې د پنجشیر د خلکو د ویاړ د رامنځته کولو له امله مننه او قدرداني وکړه او ټینګار یې وکړ: په افغانستان کې جګړه او اشغال پای ته رسېدلی، اسلامي نظام رامنځ ته شوی او د دغه نظام پر ضد بهانې کول هېڅ مشروعیت نه لري.

د کورنیو چارو وزارت سرپرست له یو شمېر کارپوهانو او سیاسي فعالانو سره په کتنه کې وویل چې د فکري اختلافاتو ستونزه په مشوره او یووالي سره حل کېدای شي، خو مهمه دا ده چې له شته فرصتونه ضایع نه ‎شي.

د کورنیو چارو وزارت سرپرست وايي، جهاد د هېواد د ازادۍ او هوساینې لپاره و او باید د وظیفې بدیل ونه ګڼل شي او ستاسو اخلاق او اخلاص باید تر نورو ښه وي.

د چین نوي سفیر د اسلامي امارت د کورنیو چارو له سرپرست وزیر سراج الدین حقاني سره په لیدنه کې ویلي، چین د افغانستان خپلواکۍ، عقایدو او کلتور ته پوره درناوی لري او د افغانستان په کورنیو چارو کې د لاسوهنې نیت نه لري.

د ترکیې سفیر د اسلامي امارت د کورنیو چارو له سرپرست وزیر سره په کتنه کې وویل چې استانبول به په نږدې راتلونکي کې د افغانستان په اړه د مرسته کوونکو هېوادونو د غونډې کوربه وي.

د کورنیو چارو وزارت سرپرست سراج الدین حقاني د خپلو ولایتونو د سفرونو په دوام او میدان وردګ ته د خپل سفر په ترڅ کې د دغه ولایت له سیمه ییزو چارواکو سره په کتنه کې وویل چې موږ د نړیوالو قوانینو پر بنسټ له نړۍ سره د اړیکو ساتلو ته چمتو یو.

د کورنیو چارو وزارت سرپرست سراج الدین حقاني وايي، له اسلامي امارت سره د نړۍ د اړیکو لاره خلاصه ده، هغه په بهر کې مېشتو سیاسي څېرو محمد محقق او کریم خلیلي ته په خطاب کې وویل: تاسو په خپل ولس او ملت پورې اړه لرئ، بېرته راشئ خپل وطن ته.

د کورنیو چارو وزارت سرپرست په اروزګان ولایت کې د ۲۰۵ البدر قول اردو له کنډک څخه د لیدنې پر مهال وویل، چې د مجاهدینو د سرښندنو هدف په هېواد کې د اسلامي نظام حاکمیت وو.

د کورنیو چارو وزارت سرپرست سراج الدین حقاني د خپلو ولایتي سفرونو په لړ کې اروزګان ته تللی او هلته د دغه ولایت له امنیتي او ملکي چارواکو سره لیده کاته کوي.

د هرات ولايت سيمه ييز مسوولين د دغه هېواد د لوېديځې حوزې له مسوولينو او ديني عالمانو سره پرون د هېواد له مرکز څخه هرات ولايت ته د يوه لوړ پوړي پلاوي د سفر او خبرو اترو په اړه خبر ورکوي.

د اسلامي امارت د کورنیو چارو وزیر سراج الدین حقاني له یو شمېر شیعه علماو او مخورو سره په کتنه کې هغوی ته د محرم د ورځو د امنیت په اړه ډاډ ورکړ او زیاته یې کړه چې په دې برخه کې له امنیتي ځواکونو سره د هېوادوالو همکاري اړینه ده.