په پکتیا ولایت کې سیمه ییزو سرچینو د اسلامي امارت د امنیتي ځواکونو او پاکستاني پوځیانو ترمنځ د نښتې خبر ورکړی دی. د دوی په وینا په دې جګړه کې ۵ تنه وژل شوي او ۱۵ نور ټپیان شوي دي.

په کندهار کې د ځينو سرچينو د معلوماتو له مخې، پاکستاني پوځيانو نن سهار (پنجشنبه، میزان ۲۸) د سپين بولدک په سرحدي سيمه کې ډزې کړي، چې په پايله کې يې يوې مېرمنې ژوند له لاسه ورکړى دى. له دغې نښتې وروسته د اسلامي امارت سرحدي ځواکونو د پاکستاني پوځیانو په وړاندې د توپونو او هاوانونو ځواب ورکړ.