په سوداګرۍ او ټولنه کې د ښځو پر کم حضور له نیوکو سره سره، د اسلامي امارت د صنعت او سوداګرۍ وزارت چارواکي وايي، په سوداګرۍ کې د ښځو حضور ۶۶ سلنه زیات شوی دی.

په شمال کې د ښځو د سوداګرۍ او صنایعو خونې مرستیاله وايي: له حکومته غوښتنه کوو چې د کارګرو ښځو د ملاتړ او مسلکي سوداګرۍ لپاره دې د امنیت ټینګښت او عملي ګامونه پورته کړي. ځکه مسلکي سوداګرې ښځې د هېواد پر اقتصاد مثبت اغېز کولای شي.

د کار نړیوال سازمان په همکارۍ د بلخ ولایت د صنعت، سوداګرۍ او پانګونې خونې د ریاست په نوښت د کورنیو تولیداتو د ملاتړ او د پوهې د شریکولو نندارتون د روان کال د اسد میاشتې په ۱۱ مه نېټه د بلخ ولایت د سیمه ییزو چارواکو په حضور کې جوړ شو.